Tơdơi kơ 3 thun, djop gưl, djop gơnong bruă amăng tơring čar Kon Tum hơmâo pơjing, pơđĭ kyar 866 hơbô̆ bruă djru nao rai bơwih ƀong huă, pơplih pơkra đang hmua pơhưč giăm 10.600 boh sang anŏ ƀun rin, giăm ƀun rin lĕ mơnuih djuai ania ƀiă mut hrŏm. Hơdôm hơbô̆ bruă anai pơsur rơbêh 96 klai prăk djru pơjeh, prăk tuh pơ alin, boh thâo brơi rơbêh 5.500 boh sang anŏ ƀun rin djuai ania ƀiă dưi hrưn đĭ pơklaih mơng ƀun rin hơđong kjăp.

Yap truh rơnuč thun 2023 đơ đam tơring čar Kon Tum ăt dŏ rơbêh 10.200 boh sang anŏ ƀun rin, amăng anun hơmâo rơbêh 9.700 boh sang anŏ ƀun rin djuai ania ƀiă dưm dưm rơbêh 95%. Kiăng pơtrut pơsur neh met wa thâo pơmĭn khin ngă, hrưn đĭ pơklaih mơng ƀun rin sit nik, Ping gah tơring čar Kon Tum amra tŏ tui pok pơhai lu hơdră bruă. Amăng anun, tơring čar amra đing nao hơdôm bruă bơwih ƀong sĭ mơdrô.