Jơlan hơdră “Bơyan bơnga giăm guai-Pơđao pran jua ană plơi pla” hơmâo tơhan wai pơgang guai tơring čar Gia Lai pơphun ƀơi hơdôm boh să giăm guai tơring glông Ia Grai, Đức Cơ, Chư Prông, tơring čar Gia Lai. Ƀơi rĭm anih pơphun, ling tơhan wai pơgang guai hrŏm hăng mơnuih ƀôn sang klon ƀan tek, atông čing hơgor, ngui adôh suang kiăng kjăp tui pran khăp ling tơhan hăng mơnuih ƀôn sang.

Hrŏm hăng anun, ƀing čơmah pơphun anih sĭ gơnam 0 prăk, ƀơk hơdôm rơtuh anung gơnam anun lĕ abăn, sơker, braih hăng hră čih, gơnam yua brơi čơđai hrăm hră. Mah ƀu hơmâo lu ôh, samơ̆ anai lĕ hơdôm gơnam kiăng yua hloh, kiăng mơnuih ƀôn sang dưi čơkă thun phrâo pơđao amăng pran jua.