Amăng mông jơnum, Khua mua hơdôm boh tơring čar ƀuăn jao 100% mrô prăk tuh pơ alin man pơdong amăng hơdôm jơlan hơdră tui hơnong pơkă dêh čar thun anai. Tui khul git gai jơlan hơdră, kơnuk kơna hơmâo jao rơbêh 49.500 klai prăk mơng ngăn drăp kơnuk kơna thun 2023 brơi hơdôm boh ding jum, anom bruă gơnong glông hăng gong gai ƀon lan ngă tui hơdôm jơlan hơdră tui hơnong pơkă dêh čar.

Hăng akŏ bruă thun anai, Khua dêh čar hơmâo jao rơbêh 47 rơbâo 600 klai prăk mơng ngăn drăp kơnuk kơna thun 2024 brơi hơdôm ding jum, anom bruă gơnong glông hăng gong gai ƀon lan ngă tui hơdôm jơlan hơdră tui hơnong pơkă dêh čar. Ăt amăng mông jơnum, khua mua hơdôm boh tơring čar anun lĕ Lào Cai, Sơn La, Nghệ An, Thừa Thiên Huế, Quảng Nam…lêng kơ ƀuăn pok pơhai 3 jơlan hơdră djơ̆ akŏ bruă 100% mrô prăk tuh pơ alin man pơdong.