Bơkơtuai kơ hơdôm tơlơi bơdjơ̆ nao pơplih hơdră prăk blan, sa dua mơta tơlơi gum pơhiăp lăi lĕ, hră čih pơkra tơlơi phiăn akă hmâo thâo hlâo abih ôh hơdôm anô̆ bơdjơ̆ nao mơ̆ng bruă pơplih anai, bơhmu ñu kah hăng bơdjơ̆ nao mơ̆ng bruă lui hĭ rơnoh prăk blan ƀơi anom bruă hăng sa dua mơta tơlơi pơkă bơdjơ̆ nao hră pơgang gah mơnuih mơnam. Yua anun, khom pơplih pơkra tơlơi pơkă kơ tơlơi pơplih pơkra prăk blan ngă gru than nô̆p prăk pơgang mơnuih mơnam khom ngă.

Rơngiao kơ anun, hmâo tơlơi gum pơhiăp rơkâo đĭ, ăt kiăng kơsem min tŏng mơn hơdră yap hơnong ñu prăk blan ngă gru than nô̆p prăk pơgang mơnuih mơnam; Tơlơi prăk pơdơi lơtret, djru prăk pơgang gah mơnuih mơnam rim blan hăng khul ling tơhan; tơlơi čơkă mă prăk pơgang gah mơnuih mơnam sa wot pioh kơ mơnuih ƀu nô̆p dong tah prăk pơgang gah mơnuih mơnam hăng hmâo tơlơi rơkâo čơkă mă hră pơgang gah mơnuih mơnam sa wot mơ̆ akă djop 20 thun nôp prăk pơgang... Kơ-iăng Khua git gai wai lăng pơ ala mơnuih ƀôn sang Trần Thanh Mẫn pơsit anai lĕ rơwang bruă Tơlơi phiăn tơnap, bơdjơ̆ nao prong tơlơi hơdip mơ̆ng mơnuih ƀôn sang, ăt kah hăng truh hơdôm hơdră pơtrun, hơdră bruă mơ̆ng Kơnuk kơna, rơkâo Gong gai dêh čar pơsit tum djop, abih bang bơdjơ̆ nao pioh kơ rim bôh yôm pơplih pơkra, pơhlôm tơlơi pơkă pơplih phrâo hơdôm bôh yôm, rơkâo mơ̆ng pơplih pơkra hơdră bruă hră pơgang gah mơnuih mơnam tui djơ̆ pran jua mơ̆ng Tơlơi pơtrun pơsit mrô 28-NQ/TW mơ̆ng Ping gah dêh čar./.