Amăng mông jơnum, Jơnum min apăn bruă Khua pơ ala mơnuih ƀôn sang dêh čar ta rơkâo Gong gai dêh čar tañ pơjing, mă yua hră pơ-ar pơkă kơ 104 bôh yôm rơđah, pơtô brơi ngă tui Tơlơi phiăn lŏn drŏn (pơplih pơkra) kiăng tañ ba hơdră bruă, tơlơi pơkă amăng hơdôm tơlơi phiăn, tơlơi pơtrun pơsit mơ̆ng Khua pơ ala mơnuih ƀôn sang mut amăng tơlơi hơdip mơda.
Ƀing khua pơ ala rơkâo đĭ Gong gai dêh čar črâo ba rơđah bruă mă yua hơdôm hră pơ-ar pơkă rơđah ngă tui tơlơi phiăn amăng thun 2024, pơhlôm rơnoh bruă, anô̆ klă, ha amăng plĕ hăng hơdôm tơlơi phiăn bơdjơ̆ nao phrâo dưi hmâo Khua pơ ala mơnuih ƀôn sang pel ĕp kah hăng Tơlơi phiăn lŏn drŏn, Tơlơi phiăn bơwih ƀong sĭ mơdrô lŏn sang, Tơlơi phiăn pơphun brơi čan prăk. Pơhiăp amăng mông pơjưh Jơnum, Khua git gai wai lăng pơ ala mơnuih ƀôn sang dêh čar ta Vương Đình Huệ lăi rơđah, kiăng đing nao hlâo mă yua ha amăng plĕ hăng hmâo anô̆ kơjăp glông bruă tơlơi phiăn, hơdôm tơlơi pơkă, pơtrun, jơlan glông mă bruă pioh ngă tui tơpă, pơlir hơbit amăng abih bang Ping gah hăng abih bang glông bruă kơđi čar, tañ ba tơlơi phiăn mut amăng tơlơi hơdip mơda./.
Viết bình luận