Amăng Blan djru khăp pap thun anai, mơ̆ng lơ 1/5 truh lơ 31/5, abih bang Khul gir djru 100.000 bit anih ngă bruă khăp pap. Ƀơi mông pơphun, Khua mir sir jăng jai yă Võ Thị Ánh Xuân brơi 300 anung prăk nua 300 klăk prăk kơ ƀing čơđai djuai ƀiă sang anŏ tơnap hrăm rơgơi ƀơi tơring čar Điện Biên. Khul ia jrao kyâo bơrơkal mriah Việt Nam ăt tŭ yap, pơpŭ kơ hơdôm anom bruă, khul rup, anom bơwih ƀong, mơnuih mơnam djru ba, laih anun ƀuăn djru hăng mrô prăk rơbêh 480 klai prăk.
Ƀrô tal anai, Khul ia jrao kyâo bơrơkal mriah Việt Nam ăt git gai, ngă hrŏm pơphun Sang čơ khăp pap bơwih brơi 500 čô mơnuih hơmâo anăn kơnuk kơna djru, mơnuih tơnap tap ƀơi tơring čar Điện Biên dưi blơi gơnam hăng hla pơ-ar blơi nua ñu 500.000 prăk/sa pok laih anun pơphun Jơlan hơdră pơyơr drah, pôr pơhing brơi boh ƀleh, hơtai boh, anŏ hơget hơmâo amăng drơi jăn ta mơ̆ ta ƀu yua...kơ pô kiăng, hơmâo 500 čô mơnuih nao pơhmư̆.
Viết bình luận