Rĭm čô hlăk ai lĕ sa čô mơnuih ngă lar hyu gru grua yôm phara mơng djuai ania
Thứ năm, 11:04, 01/02/2024
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai - Rĭm čô hlăk ai, čơđai sang hră amra jing sa čô mơnuih ngă lar hyu gru grua yôm phara mơng djuai ania tơl gơyut gơyâo amăng lŏn ia hăng tač rơngiao.
Anai lĕ tơlơi čang rơmang mơng khua mua plơi prong Buôn Ma Thuột, tơring čar Dak Lak amăng jơlan hơdră bưp ƀô̆ mơta, pơpŭ bơni čơđai sang hră, hlăk ai djai ania ƀiă hăng mơnuih tui đăo ba gru amăng thun 2024 pơphun amăng mơguah tom brơi (31/1).
Amăng jơlan hơdră, ƀing nao pơbưp hơmâo pơhiăp bit hăng hmư̆ tơlơi bơră ruai, čang rơmang mơng hlăk ai, čơđai sang hră djuai ania ƀiă, mơnuih tui đăo ba gru. Anai lĕ ƀing mơnuih ba jơlan hlâo, hơmâo lu tơlơi dưi amăng tơlơi hrăm hră kah hăng pơphun bơwih ƀong. Ƀing gơñu ăt ƀing mơnuih pơ ala brơi hlăk ai amăng plơi pla pơgôp hiăp hơdôm bruă bơdjơ̆ nao hơdră djru brơi hlăk ai, čơđai sang hră djuai ania ƀiă, čang rơmang ƀing hlăk ai, čơđai dưi djru čan prăk tui hơdră djru, pơlir hơbit ĕp brơi bruă mă.
Viết bình luận