Anom bruă ĕp brơi bruă mă tơring čar Dak Lak hlăk pơphun lu hơdră lăi pơthâo, pơtruh brơi kơ mơnuih mă bruă apah kiăng djop mrô mơnuih mă bruă apah ƀơi djop sang bruă bơwih ƀong sĭ mơdrô či kiăng. Anom bruă ĕp brơi bruă mă tơring čar Dak Lak hơmâo pơphun jơnum 5 wơ̆t lăi pơthâo bruă mă ƀơi djop tơring glông; ngă hrŏm 7 wơ̆t pôr pơthâo amăng plơi pla hăng 2 wơ̆t lăi pơthâo ƀơi tơring glông Ea Sup hăng Krông Bông.
Hrŏm hăng anun, anom bruă dŏ pơphun mông jơnum pơtô pơblang brơi bruă ĕp bruă mă kiăng djơ̆ găl hăng djop mơnuih ƀơi anih jơnum pơdă sang čơ, hrơi jơnum mơak gru grua ngui ngor pơphun ƀơi plơi pla. Mơ̆ng anun, kiăng lăi pơthâo bruă mă, hyu mă bruă apah pơ dêh čar tač rơngiao laih anun hơdră djru kơ 10 rơbâo wơ̆t mơnuih mă bruă apah, amăng anun lăi pơthâo hlong hơmâo bruă mă hơđong lĕ brơi kơ 300 čô mơnuih.
Viết bình luận