Amăng mông bưp ƀô̆ mơta, ƀing khua pơ ala hmâo lăng glăi phim lăi nao kơ črăng jơlan 80 thun pơdŏng, blah wang, pơjing kơjăp mơ̆ng Khul ling tơhan mơnuih ƀôn sang dêh čar Việt Nam hăng Khul tơhan tơring čar Dak Lak ăt kah hăng Quân khu V.

Yă H’Yim K’Đoh, Kơ-iăng Khua Jơnum min mơnuih ƀôn sang tơring čar Dak Lak mơ-ĭt tơlơi hơ-ưč hmưi tơlơi suaih pral, pơdah pran jua hơdor tơngiă dơlăm ƀơi anăp hơdôm tơlơi gum hơgôp prong prin mơ̆ng khul tơhan amăng bruă kơdŏng blah ayăt, pơdŏng hăng pơgang lŏn ia. Kơ-iăng Khua Jơnum min mơnuih ƀôn sang tơring čar Dak Lak lăi pơthâo kơ tơlơi pơđĭ kyar bơwih ƀong-mơnuih mơnam mơ̆ng tơring čar Dak Lak thun 2024. Yă H’Yim K’Đoh čang rơmang ƀing apăn bruă, mă bruă tơhan gưl dlông pơdơi lơtret, pơdơi mă bruă gum hơgôp dong bôh thâo, pơčeh phrâo, pơtô glăi dong tơlơi găn rơgao pioh pơdŏng kơjăp bruă abih bang mơnuih ƀôn sang pơgang lŏn ia, bruă pơgang rơnuk rơnua mơnuih ƀôn sang hăng khul tơhan tơring čar jai hrơi jai kơjăp kơtang./.