Jơnum min apăn bruă Khua pơ ala mơnuih ƀôn sang pơgôp hiăp amăng črăn tơlơi pơtrun pơkă kơ bruă jao miđai pioh hơdor “Yua kơ tơlơi gum pơgôp amăng Ƀirô Khua pơ ala mơnuih ƀôn sang dêh čar Việt Nam” hăng črăn tơlơi pơtrun pơkă kơ bruă pơplông, pơpŭ bơni hăng ƀng khua pơ ala, hơdôm anom bruă mơng Ƀirô Khua pơ ala mơnuih ƀôn sang, hơdôm anom bruă gah Jơnum min Khua pơ ala mơnuih ƀôn sang hăng ƀing apăn bruă tui tơlơi wai lăng mơng Jơnum min Khua pơ ala mơnuih ƀôn sang.

Amăng mông pơsit tŭ yap 2 črăn tơlơi pơtrun anai, hơdôm tơlơi pơgôp hiăp amăng mông jơnum rơkâo Khul mă bruă ječ ameč ba tơbiă hră pơ-ar črâo ba brơi kơ gưl glăm ba tŭ yap, pơsit tơlơi pơgôp, hơdră bruă hăng tơlơi kơsem min ba glăi tŭ yua hăng hơdôm tơlơi bơdjơ̆ nao hơdôm anom bruă, khul grup, ƀing mơnuih, pơgiong hră pơ-ar pơplông, pơpŭ bơni, tañ pơphô bruă, črâo ba ngă tui bruă jao miđai pơplông, anai lĕ tơlơi pơpŭ prong hloh hăng ƀing Khua pơ ala mơnuih ƀôn sang mơng thun 2024 mơtăm.