VOV4.Jarai – Hăng prăk mă yua rơbêh kơ 408 rơbâo klai prăk, 3 jơlan hơdră lŏn ia pơkă dưi pơhmu kah hăng hơdră pơsit pok jơlan tơtlaih mơ̆ng ƀun rin tơdơi rơbêh kơ dua thun ngă tui ba glăi laih hơdôm bôh tơhnal. Khă hnun hai, bôh tơhnal lăng tui mơ̆ng Khua pơ ala mơnuih ƀôn sang dưi lăi pơthâo glăi phrâo anai: truh ră anai rơgao ha mơkrah črăn jơlan laih, samơ̆ bruă ngă tui ăt bư̆p ƀu ƀiă mơn tơlơi tơnap. Lu anih anom, hơdôm ding jum, gơnong bruă, tơring čar, ƀôn prong ăt dô̆ luk puk mơn, đa dir wir lơm ngă tui 3 jơlan hơdră ngă brơi kơ bruă pơsir prăk kaih hĭ, ƀudah hmâo tơring čar đa amăng tơlơi hmâo prăk ƀu thâo “yua”, khom rơkâo tla glăi ngăn rơnoh kơ ngăn drăp kơnuk kơna.

VOV4.Jarai - Dong mơng lơ 5-10/12, ƀơi tơring čar Khammouan, kual tong krah dêh čar Lao, khul giang mah Việt Nam-Lao ƀôn prong Hồ Chí Minh gum hrŏm hăng Sang hră gưl prong pơtô bruă ia jrao Phạm Ngọc Thạch hăng Jơnum min kơ mơnuih ƀôn sang Việt Nam pơ tač rơngiao ƀôn prong Hồ Chí Minh pơphun khăm, ƀơk jrao hăng anung gơnam brơi mơnuih dŏ hơdip pơ tač rơngiao kah hăng mơnuih ƀon sang tơnap tap ƀơi anai.

VOV4.Jarai – Amăng rơwang hrơi tơjuh rơgao, hơdôm bôh tơring čar kual Dap Kơdư hmâo pơphun tal jơnum Khul pơ ala mơnuih ƀôn sang rơnuč thun, đing nao pơsit bôh tơhnal ngă tui bruă jao pơđĭ kyar bơwih ƀong – mơnuih mơnam thun 2023, jơlan gah, bruă jao thun 2024. Lăi pơthâo glăi amăng hơdôm tal jơnum brơi ƀuh lu tơlơi tơnap, sa dua tơhnal pơkă bơwih ƀong mơnuih mơnam amăng kual ƀu ba glăi djơ̆ tui kơčăo bruă ba tơbiă. Amăng tal jơnum anai, ƀing khua pơ ala hur har pran jua, tơpă ară pơsit bôh tơhnal thun 2023, gum pơhiăp kơ tơhnal pơkă pơđĭ kyar mơ̆ng thun 2024.

VOV4.Jarai – Mơguah lơ 8/12, Grŭp hyu mă bruă mơ̆ng Ding jum đang hmua hăng pơđĭ kyar ƀôn lan dêh čar yua kơ Kơ-iăng Khua Ding jum Nguyễn Quốc Trị ngă Khua Grŭp nao tơña bla, rơngôt hrŏm hăng sang anô̆ pô wai lăng pơgang glai klô Kual pơgang glai klô Ea Sô (Dak Lak) hmâo arăng pơanăh pơdjai lơm dô̆ mă bruă.

VOV4.Jarai – Čơtlăm tom brơi (7/12), ƀơi anih mă bruă Khua mir sir, Kơ-iăng Khua mir sir dêh čar ta Võ Thị Ánh Xuân git gai laih jơnum Khul pơgang keh prăk Čơđai muai Việt Nam hmư̆ tơlơi lăi pơthâo glăi bôh tơhnal ngă tui bruă jao mơ̆ng Keh prăk amăng thun 2023 hăng pok pơhai kơčăo bruă thun 2024.

VOV4.Jarai-Nao pơ kual čư̆ siăng Kon Chiêng, tơring glông Mang Yang, bâo djơ̆ anăn tha plơi ơi Hip djop pô thâo hăng pơpŭ biă mă. Hăng pran jua tơpă laih anun thâo khăp pap, tha plơi ơi Hip ba jơlan hlâo lu bruă mă amăng plơi thun blan rơgao, kiăng ană plơi pla hơmâo tơlơi hơdip mơda trơi pơđao hloh.

VOV4.Jarai-Rơwang hrơi tơjuh rơgao, tơdơi kơ jơnum lok 6 khua mua pơ ala mơnuih ƀôn sang dêh čar tal 15, hyu bưp mơnuih ruah khua ƀơi djop plơi pla, tơring čar. Amăng anun, Kơ-iăng khua pơ ala mơnuih ƀôn sang dêh čar Trần Quang Phương nao bưp mơnuih ruah khua ƀơi Quảng Ngãi hăng lăi pơtă kơ tơlơi soh sat ma túy, rung răng taih amang amăng sang hră. Mơnuih ƀôn sang ruah khua ƀôn prong Hồ Chí Minh lĕ đing nao lu tơlơi, kah hăng ngă tui jơlan hơdră pơdong plơi prong gong gai kơnuk kơna hăng pơgăn ƀong kông ngăn.

VOV4.Jarai – Mơmot lơ 3/12, ƀơi Hà Nội, Ding jum ia jrao dêh čar hăng Keh prăk djru mơnuih ruă bơbrŭ asar “Hrơi pơgi bơngač hloh” pơphun jơlan hơdră bơkơtuai adôh suang, pơjing keh prăk djru mơnuih ruă bơbrŭ asar ƀun rin. Kơ-iăng Khua git gai wai lăng pơ ala mơnuih ƀôn sang dêh čar ta Trần Quang Phương nao pơhmư̆.

VOV4.Jarai - Mơguah anai (2/12), ƀơi Hà Nội pơphun Jơnum yôm Jơnum ruah khua Khul mơnuih mut phung Việt Nam tal 13 rơwang thun 2023-2028 hơmâo rơbêh 100 čô khua pơ ala kơ 11 klăk čô mơnuih amăng khul, mơnuih mă bruă đơ đam dêh čar.

VOV4.Jarai - Bruă dŏ ung mơ̆ng muai bơnai mơ̆ng anet ƀu phrâo ôh samơ̆ ăt dŏ hang amăng tơngia đôč ƀơi tơring glông Đức Cơ, tơring čar Gia Lai pioh glăi lu tơlơi sat răm kơ sang anŏ hăng mơnuih tơpuôl. Ƀơi anăp tơlơi anun, tơring glông Đức Cơ gir ngă abih bang hơdră pơgăn hĭ tơlơi ƀu klă anai.