Ding jum kông an man pơdong sang dŏ mơnuih tơpuôl kơ tơhan kông an mơnuih ƀôn sang ƀơi Gia Lai
Thứ tư, 11:26, 14/10/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Kơnôl 13/10, ƀơi phường Quy Nhơn, tơring čar Gia Lai, Ding jum kông an ngă yang lŏn man pơdong sang dŏ kơ tơhan kông an mơnuih ƀôn sang. Sang dŏ anai hơmâo man ƀơi kual lŏn prong năng ai 5.700 m2, yua Kông ti TNHH sa ding kơna Lŏn sang đang hmua Phú Tài ngă pô tuh pơ alin.
Ƀut sang anai hơmâo năng ai 431 boh sang, hơmâo 419 boh sang kơ mơnuih tơpuôl amăng ƀut sang glông 24 gưl, laih anun 12 boh sang pioh sĭ mơdrô ber ƀiă hơmâo 5 gưl. Prăk man pơdong năng ai 817 klai prăk; him lăng ba mă yua amăng 3 blan tal 3 thun 2028.
Pơhiăp ƀơi mông ngă yang, Thượng tướng Đặng Hồng Đức, Kơ-iăng khua ding jum Kông an brơi thâo, ring bruă anai djru brơi sang dŏ, klă tui tơlơi dŏ dong ƀong huă mơ̆ng ƀing khua, tơhan kông an, djru ngă hơđong tơlơi hơdip, hơđong pran jua mă bruă laih anun pơhlom pơgang rơnuk rơnua, hơđong plơi pla./.
Viết bình luận