Amăng mông jơnum bơkơtuai anai, Keh prăk djru mơnuih ruă bơbrŭ asar “Hrơi pơgi bơngač hloh” pơphun bruă: “Sa tơlơi pơhing lăi pơthâo, sa klăk pran jua mơ-ĭt kơ mơnuih ruă bơbrŭ asar” thun 2023. Hăng rim tơlơi lăi pơhing UT mơ-ĭt kơ 1406 amra gum hơgôp 20.000 prăk pioh kơ mơnuih ƀun rin ruă bơbrŭ asar đơ đam dêh čar.

Pơhiăp ƀơi anai, Khua Ding jum ia jrao dêh čar ta Đào Hồng Lan lăi rơđah: Rim tơlơi pơhing lăi pơthâo jing sa tơlơi kiăng khăp, gum djru yôm phăn, hmâo dong pran jua kơtang kơ mơnuih ruă bơbrŭ asar; Hrŏm hăng anun čih pioh, rơbêh kơ 12 thun rơgao yap mơ̆ng hrơi dưi pơdŏng, Keh prăk djru mơnuih ruă bơbrŭ asar “Hrơi pơgi bơngač hloh” hmâo pơsur laih, pơphun djru pơjrao hăng ƀơk gơnam brơi giăm truh 35.000 čô mơnuih ruă bơbrŭ asar ƀun rin ƀơi đơ đam dêh čar hmâo nua rơbêh kơ 57 klai prăk; Djru ia jrao pơjrao tơlơi ruă bơbrŭ asar kơ mơnuih ruă hmâo nua rơbêh kơ 1.400 klai prăk./.