VOV4.Jarai - Guang dar 4 boh plơi, mă ia khak pơčrang kman brơi abih bang mơnuih đah mơng buh ƀing F0, F1, tlâ̆o vaccine tañ mơtăm yơh hăng ƀing amuñ ƀă klin, plơi prong Buôn Ma Thuột, tơring čar Dak Lăk glăk hơdeč hmar pơgăn klin Covid-19 phrâo ƀuh ƀơi Ea Kao. Tơdơi kơ ƀuh 2 čô mơnuih ƀă klin Covid-19, tơring čar Dak Lăk hmao tlôn dong tah kiăo kru, hyu ĕp mơnuih dŏ jê̆ giăm, guang dar, pơgăn plơi pla ƀơi Čư̆ Bông, Tơng Ju, Čư̆ Lim hăng plơi Cao Thắng, jak iâu abih bang ơi ia jrao djru pơčrang kman đah mơng tañ ƀuh ƀing F0 ba nao pơjrao, ƀing F1 lĕ ba nao pơčlah.

Tlâ̆o pơgang hăng pơčrang kman kơ ană plơi amăng anih guang dar ƀơi să Ea Kao, Buôn Ma Thuột

Yap truh mơguah lơ 1/10, ƀơi Ea Kao hơmâo pơčrang kman brơi 3500 čô mơnuih, pơsit 18 čô mơnuih ƀă kman Covid-19. Amăng mlăm lơ 30/9, ƀơi ƀuôn Tơng Ju hơmâo thim 30 čô mơnuih dong arăng test hmar ƀuh kman amăng drơi jăn. Ră anai hơdôm čơđeh ia khak ia adung arăng ba nao pơčrang hăng RT-PCR laih.

Siu H’Mai: Pơblang