VOV4.Jarai - Mlăm lơ 25/4, tơhan pơgang guai Dak Lak hơmâo ƀuh hăng brơi dŏ pơčlah hmao tlôn 13 čô mơnuih glăi mơng dêh čar Kur. 13 čô anai dŏ pơ tơring glông Ea Súp, nao pơ dêh čar Kur bơwih ƀong. Lơ̆m klin Covid-19 hơđuh đĭ ƀơi dêh čar Kur, ƀing anai glăi pơ Việt Nam tui jơlan jơlan Việt Nam - Kur. Lơ̆m 12 mông mlăm jê̆ či mơguah lơ 25/4, lơ̆m ƀing anai phrâo mut rai amăng lŏn ia ta, hơmâo tơhan pơgang guai Ia Rvê, tơring glông Ea Súp hyu tir ƀuh.

Sa mlăm dŏ gak mơng tơhan pơgang guai Ia Rvê - Dak Lak.

Tơdơi kơ anun, abih bang 13 čô mơnuih anai hơmâo ba glăi dŏ pơčlah pơ Sang ia jrao tơring glông Ea Súp, hơmâo mă drah pơčrang kman. Mơng bruă pơčrang kman mơng Anom bruă wai pơgang tơlơi duam ruă tơring čar Dak Lak mlăm lơ 25/4 brơi ƀuh, wơ̆t 13 čô anai huăi hơmâo kman SARS-CoV-2 ôh amăng tal 1.

Siu H’Mai: Pơblang