VOV4.Jarai - Tlam lơ 4/5, Jơnum min djŏp djuai ania mơnuih mơnam Việt Nam tơring čar Dak Lak pơphun Jơnum lăi pơthâo bruă pơbưp mơnuih ƀon sang nao plĕ hră kiăng ƀing hơmâo anăn ba ruah ngă Khua pơ ala mơnuih ƀon sang dêh car tal 15, khua Jơnum min pơ ala mơnuih ƀon sang tơring čar tal 10, rơwang thun 2021-2026 pơphun iâu pơthưr mơnuih ƀon sang plĕ hră ruah gơñu. Tui hăng hră lăi pơthâo sit nik mơnuih hơmâo tơbiă anăn ba ruah ngă Khua pơ ala mơnuih ƀon sang dêh čar tal 15 hăng Jơnum min pơ ala mơnuih ƀon sang tơring čar Dak Lak tal 10 rơwang thun 2021-2026, tơring čar Dak Lak hơmâo 15 čô tơbiă anăn ba ruah ngă Khua pơ ala mơnuih ƀon sang dêh čar tal 15 (amăng anun hơmâo 4 čô lĕ mơng Gơnong dlông pơƀuh anăn) hơmâo dưm dăp, pơƀuh anăn ba ruah ƀơi 3 anih plĕ hră; 125 čô mơnuih tơbiă anăn ba ruah ngă khua pơ ala mơnuih ƀon sang tơring čar tal 19, rơwang thun 2021-2026 hơmâo ba pơƀuh, ba ruah ƀơi 20 anih plĕ hră.

Mông jơnum bưp mơnuih ƀon sang.

Hơdôm mông jơnum bưp mơnuih ƀon sang hăng ƀing hơmâo anăn ba ruah ngă khua pơ ala mơnuih ƀon sang dêh čar tal 15 hăng khua pơ ala mơnuih ƀon sang djŏp gưl ƀơi tơring čar Dak Lak rơwang thun 2021-2026 hơmâo pơphun mơng lơ 5/5 truh lơ 12/5/2021. Bruă pơphun jơnum pơbưp mơnuih ƀon sang, iâu pơthưr nao ruah khua khŏm ngă lăp djơ̆ hăng bruă pơgang klin Covid-19.

Siu H’Mai: Pơblang