VOV4.Jarai-Kah hăng Gong phun pơtui jua pơhiăp Việt Nam pôr laih, tơdơi kơ 12 thun dŏ tơguan, mơnuih ƀôn sang pơ kual anih dơnao ia bơnư̆ pơkong Krông Pač gah hlao, pơphun pơdŭ đuăi mơnuih ƀôn sang yơh, nao dŏ pơ anih phrâo. Djop anom bruă gong gai kơnuk kơna, hlăk djru ba ngă hơđong tơlơi hơdip mơda kơ mơnuih ƀôn sang.

Tui hăng akŏ bruă, rơbêh 700 boh sang anŏ, giăm 4000 čô mơnuih dŏ ƀơi thôn 9, thôn 10 hăng thôn 11, să Čư̆ San tơring glông Mdrak amra brơi nao dŏ pơ plơi phrâo anăn mrô 1 gah să Čư̆ Êlang hăng plơi mrô 2 gah să Čư̆ Bông, tơring glông Ea Kar pioh jao glăi anih ngă bơnư̆ pơkong ia hơmâo rơnoh 4.400 klai prăk ƀơi Krông Pač gah hlao.

Truh ră anai, yua hơmâo tơlơi djru hrŏm pơtrut mơ̆ng djop gưl anom bruă kơnuk kơna, brơi mơnuih ƀôn sang nao dŏ pơ anih phrâo klă hloh anih hơđăp anun mơnuih ƀôn sang tŭ ư đuăi, mrô sang anŏ čih anăn hơmâo 200 boh sang anŏ, Jơnum min mơnuih ƀôn sang tơring glông Mdrak brơi thâo, tơring glông ăt pơtum lu khul ling tơhan kơnuk kơna djru mơnuih ƀôn sang pơdŭ đuăi rah, pơtô lăi brơi mơnuih ƀôn sang thâo hluh kiăng ngă hrŏm pơgiong hĭ bruă pơdong plơi phrâo đuăi mơ̆ng anih ia dơnao bơnư̆ pơkong Krông Pač gah hlao.

Nay Jek: Pơblang