VOV4.Jarai - Tơdơi kơ tơring čar lăi pơthâo hơmâo mơnuih ƀă kman Covid-19, Kông ti apui lơtrik Dak Lak hơmâo hơdră pơđuăi yua apui amăng hrơi mông pơhlôm pơgang klin. Hrơi mông pơphun ngă mơng lơ 10/5/2021. Tui anun, grup dŏ gak gah Anom bruă pơđuăi jua apui Dak Lak kah pơpha jing 2 grup, pơplih nao rai dŏ gak. Amăng anun, rim grup hơmâo kip dŏ gak amăng ha hrơi, dưi pơplih nao rai, djru nao rai. Amăng mông pơdơi dŏ gak, ƀing mă bruă amăng grup pơdơi ƀơi anih dŏ pơčlah hơjăn amăng anih mă bruă. Bruă brơi dŏ pơčlah ƀing dŏ gak kiăng pơhlôm pơđuăi jua apui rơnuk rơnua, hơmâo apui yua na nao amăng mông glăk hơmâo klin Covid-19.

Anom bruă Pơđuăi jua apui lơtrik Dak Lak

Siu H’Mai: Pơblang