VOV4.Jarai - Mơguah lơ 15/4, Anom bruă git gai rơnuk rơnua hơdjă gơnam ƀong huă tơring čar Dak Lak pơphun Jơnum pok pơhai Blan ngă bruă yua rơnuk rơnua gơnam ƀong huă thun 2021 pơphun mơng lơ 15/4 truh lơ 15/5/2021 hơmâo anăn “Pơhlôm rơnuk rơnua hơdjă gơnam ƀong huă, pơgang măt gơnam ƀong huă amăng rơnuk anai”. Tơlơi gơñăm kiăng ngă mơng Blan mă bruă lĕ hyu pơtô blang tơpă sit, hmao tlôn, abih bang, gơgrong bruă rơnuk rơnua hơdjă gơnam ƀong huă kiăng pơđĭ tui tơlơi gơgrong bruă mơng hơdôm grup, anom bruă wai lăng mă pô, anom bơwih ƀong ngă tui tơlơi phiăn hơdjă gơnam ƀong huă; pơtrut hyu hơduah ĕp, wai lăng kơ rơnuk rơnua hơdjă gơnam ƀong huă ƀơi hơdôm anih pơkra gơnam ba sĭ đah mơng plai ƀiă hơmâo tơlơi truh măt gơnam ƀong. Bruă pok pơhai Blan ngă bruă yua rơnuk rơnua hơdjă gơnam ƀong huă amra djru Dak Lak pơđĭ tui tơlơi thâo pơmin, gơgrong bruă mơng djŏp gưl, anom bruă, sang anŏ bơwih ƀong sĭ mơdrô gơnam ƀong huă, plai ƀiă sĭ mơdrô gơnam ƀong ƀu hơdjă.

Siu H’Mai: Pơblang