VOV4.Jarai - Lơ 5/5, hơdôm anom bruă pơphun plĕ hră amăng tơring čar Dak Nông pơphun mông bưp mơnuih ƀon sang hăng ƀing khua mua pơ ala mơnuih ƀon sang dêh čar tal XV hăng Khua khul pơ ala mơnuih ƀon sang tơring čar rơwang thun 2021-2026. Tui hăng hră čih anăn sit nik, tơring čar Dak Nông hơmâo 10 čô mơnuih amra ruah ngă Khua pơ ala mơnuih ƀon sang dêh čar tal XV (amăng anun hơmâo 2 čô mơng gơnong glông rơkâo ruah) lĕ ƀing hơmâo arăng ruah, lăi pơthâo kiăng glăi pơtrut pơsur mơnuih ƀon sang dong yua ƀơi 2 anih plĕ hră. 88 čô mơnuih amra ruah ngă khua khul pơ ala mơnuih ƀon sang tơring tal IV, rơwang thun 2021-2026 hơmâo ruah, lăi pơthâo glăi pơtrut pơsur mơnuih ƀon sang ƀơi 14 anih plĕ hră. Hơdôm mông bưp mơnuih ƀon sang hăng ƀing khua mua pơ ala mơnuih ƀon sang tal XV hăng khua khul pơ ala mơnuih ƀon sang djop gưl amăng tơring čar Dak Nông rowang thun 2021-2026 hơmâo pơphun mơng lơ 5/5 truh abih lơ 12/5/201.

Siu Đoan: Pơblang