VOV4.Jarai-Jơnum jak iâu “Ngă hrŏm đah kơmơi guai dêh čar” mơ̆ng thun 2021-2025 hơmâo Khul đah kơmơi mut phung tơring čar Dak Nông hăng Anom bruă Khua tơhan pơgang guai dêh čar tơring čar pơphun, mơguah lơ 31/3, ƀơi să Thuận Hạnh, tơring glông Dak Song.

Ngă tui hơdră anai, mơ̆ng thun 2018-2020, Khul đah kơmơi mut phung tơring čar hăng Khua tơhan pơgang guai dêh čar tơring čar pok pơhai hơdră wai lăng tơlơi suaih pral, djru tơlơi bơwih ƀong huă, pơtrut lui rơmŏn kŏn rin, pơđĭ kyar kơ đah kơmơi djop djuai ƀiă dŏ ƀơi să giăm guai dêh čar.

Lu anom bruă ngă hrŏm pơphun 30 wơ̆t jơnum pơtô pơblang tơlơi phiăn kơnuk kơna; tŭ jum djru ba kiăng pơtrut čơđai nao hrăm hră….Pơhiăp ƀơi mông jơnum, H’Vi Êban, Khua khul đah kơmơi mut phung tơring čar Dak Nông iâu pơthưr abih bang khua mua, ling tơhan, khul đah kơmơi mut phung ăt djă pioh hăng akŏ pơdong lu hơbô̆ bruă bơwih ƀong huă đĭ kyar kơ ƀing đah kơmơi hrơi ƀơi djop să giăm guai dêh čar.

Nay Jek: Pơblang