VOV4.Jarai - Gơnong bruă man pơdong Dak Nông git gai gum hrŏm hăng kông ti pơcruih ngăn T&T hăng khua mua Jơnum min mơnuih ƀon sang tơring čar plơi prong Gia Nghĩa pơphun mông ngă lơphet lăi pơthâo akŏ bruă man pơdong anih bơwih brơi tuai čuă ngui ƀơi dơnao ia Dak R’tir. Tui anun, Akŏ bruă man pơdong anih bơwih brơi tuai čuă ngui dơnao ia Dak R’tir prong rơbêh 1.715 ektar hơmâo kual lŏn gah hơdôm phường Quảng Thành, Nghĩa Phú, să Dak R’Moan hăng kual lŏn giăm drai ia apui lơtrik Dak R’tir gah să Dak R’Moan (Gia Nghĩa).

Akŏ bruă man pơdong anih bơwih brơi tuai čuă ngui ƀơi dơnao ia Dak R’tir

Akŏ bruă hơmâo pơpha jing 7 bơnah, dưm dăp man pơkra ƀơi hơdôm anih hiam gal jơlan mut nao rai mơng hơdôm jơlan prong tô nao rai hăng hơdôm anih bơdjơ̆ nao pơkŏn ƀơi anai. Laih dong, akŏ bruă amra man pơkra anih anom pơprong, hơdôm sang đih pơdơi pran, ring bruă mơnuih mơnam pơlir hăng wai pơgang kyâo glai, djơ̆ hăng gru grua yôm phara tui mơnuih djuai ania ƀiă ƀơi anai.

Siu Đoan: Pơblang