VOV4.Jarai-Lơ 28/4, Đại tá Nguyễn Văn Lư, Khua git gai tơhan pơgang guai dêh čar tơring čar Dak Nông brơi thâo, Puih kơđông tơhan ƀơi Dak Tiên, tơring glông Dak Song phrâo mă pơkong 2 čô mơnuih mut tơbiă ča čot ƀơi jơlan guai dêh čar Việt Nam hăng Kur.

Dua čô mơnuih či nao pơ gah adih guai dêh čar arăng mă pơkong hĭ

Lơ̆m 10 mông mơguah lơ 27/4, ƀơi tơmeh gong guai dêh čar mrô 52/3, lơ̆m hlăk hyu tir pơgang guai dêh čar, ƀing tơhan pơgang guai dêh čar či Dak Tiên ƀuh 2 čô mơnuih anun lĕ:

Lê Văn Biều hăng Lê Sơn Điền dŏ pơ să Thuận Hạnh, tơring glông Dak Song hlăk či nao  pơ gah adih guai dêh čar hyu đom bua lua pơnah hlô glai. Tơhan pơgang guai dêh čar hơmâo mă pơkong čih anăn gơñu hăng ba jao pơ anom bruă ia jrao tơring glông Dak Song brơi pơčlah 14 hrơi tui tơlơi pơtrun, laih dơ̆ng jao kông an Dak Song ngă hră tơgŭ kơđi tơlơi soh tui hăng tơlơi phiăn pơtrun.

Nay Jek: Pơblang