VOV4.Jarai - Lơ 4/5, Jơnum min mơnuih ƀon sang tơring čar Dak Nông phrâo ngă hră kiăng pơdơi abih bruă jơnum ngui, bruă bơwih ƀong hơmâo pơƀut lu mơnuih đah mơng pơgang klin Covid-19. Tui anun, mơng mơmot lơ 4/5, sa, dua anih bơwih ƀong ƀu kiăng đơi kah hăng kuan ƀar, karaoke, anih ayun suang, ngui ngor điên tư, anih mơ̆ amuñ ƀă klin Covid-19 hloh khŏm pơdơi abih bruă mă. Jơnum min mơnuih ƀon sang tơring čar git gai hơdôm gơnong bruă, anom bruă, plơi pla ƀu dưi pơphun bruă jơnum pơƀut lu mơnuih ôh tơdah ƀu yôm đơi, ngă tui klă hơdră pơgang klin. Ră anai Dak Nông aka ƀu hơmâo mơnuih ƀă klin ôh, klin ăt hơmâo pơgang klă mơn. Yap truh abih lơ 3/5, tơring čar hơmâo 31 čô dŏ pơčlah, krăp lăng. Ƀơi Mondulkiri (Kur) hơmâo jơlan guai hăng tơring čar Dak Nông arăng pơsit hơmâo 3 čô mơnuih ƀă klin Covid-19, yua hnun amuñ biă mut rai amăng tơring čar.

Siu H’Mai: Pơblang