VOV4.Jarai - Tui hăng Jơnum min djop djuai ania mơnuih mơnam Việt Nam tơring čar Dak Nông, truh abih lơ 12/4 hơdôm plơi pla hơmâo pơgiong laih bruă bưp hmư̆ tơlơi pơgôp hiăp, tơlơi đăo gơnang hăng khua mua pơ ala mơnuih ƀon sang dêh čar tal XV hăng Khua khul pơ ala mơnuih ƀon sang djop gưl, rơwang thun 2021-2026. Tui hăng jŭ yap mơng Jơnum min djop djuai ania mơnuih mơnam Việt Nam hơdôm tơring glông, plơi prong, hơmâo 11 čô mơnuih amra ruah khua mua pơ ala mơnuih ƀon sang dêh čar tal XV, 96 čô amra ruah ngă Khua khul pơ ala mơnuih ƀon sang tơring čar tal IV hăng ƀing khua mua khul pơ ala mơnuih ƀon sang djop gưl rơwang thun 2021-2026 tơring čar Dak Nông lêng hơmâo hơmâo 100% mrô mơnuih dong yua.

Hơdôm panô lăi pơthâo kơ tal plĕ hră ruah khua ƀơi tơring čar Dak Nông

Hơdôm mông bưp hmư̆ tơlơi pơgôp hiăp, tơlơi đăo gơnang mơng mơnuih ƀon sang lêng pơhun tơpă, tong ten, djơ̆ hăng tơlơi pơkă. Ră anai, hơdôm tơring glông, phường, să amăng đơ đam tơring čar glăk akŏ pơjing hăng čih anăn, čih klah čun thun blan hơdip, mă bruă mơng ƀing khua mua amra ruah đĭ ƀơi plơi pla hăng hơdôm anih amra pơphun plĕ hră ruah khua.

Siu Đoan: Pơblang