VOV4.Jarai - Kiăng pơhlôm rơnuk rơnua, hơđong kơjăp mơnuih mơnam amăng hrơi plĕ hră ruah khua pơ ala mơnuih ƀon sang dêh čar tal 15 hăng Khua jơnum min pơ ala mơnuih ƀon sang djŏp gưl rơwang thun 2021-2026, kông ang tơring čar Dak Nông glăk čih pơkra djŏp mơta hơdră pơhlôm rơnuk rơnua. Tui anun, kông ang tơring čar Dak Nông pơtrut ba nao ling tơhan pơ plơi pla kiăng thâo kơjăp anih, hmư̆ hing, pok pơhai lu hơdră hyu pôr pơhing, iâu pơhưr mơnuih ƀon sang ngă klă jơlan hơdră pơtrun mơng Ping gah, tơlơi phiăn mơng Kơnuk kơna, gir nao plĕ hră; hmao ƀuh tañ hăng pơgăn hĭ abih djŏp tơlơi pơčut pơčao, phă prai mông ruah khua pơ ala mơnuih ƀon sang dêh čar tal 15 hăng khua jơnum min pơ ala mơnuih ƀon sang djŏp gưl. Kông ang ƀơi hơdôm plơi pla hơmâo pơphun hrơi hyu tir kiăo mă ƀing ngă soh kơđi hình sự, bơwih ƀong, ma túy, pơtrut wai lăng hơđong kơjăp mơnuih mơnam, hyu sem lăng na nao mơtăm hră čih anăn akŏ sang, bruă mơnuih ƀon sang đuăi hyu dŏ jăng jai.

Kông ang Dak Nông hyu tir pơhlôm rơnuk rơnua hơđong kơjăp.

Siu H’Mai: Pơblang