VOV4.Jarai - Ƀơi anăp tơlơi hŭi rơhyưt hơđuh đĭ klin Covid-19 tal 3 ƀơi dêh čar Kur, Jơnum min mơnuih ƀon sang Dak Nông črâo bruă Anom git gai tơhan pơgang guai tơring čar hăng tơhan bơdjơ̆ nao ngă hrŏm kơjăp wai lăng bruă mut nao rai, pơgăn klin mut rai amăng dêh čar ta. Tơhan pơgang guai tơring čar khŏm ngă bruă khut khăt, dŏ gak kơjăp ƀơi hơdôm amăng jang, hơdôm anih mut nao rai đah mơng pơgăn mơnuih mơng rơngiao mut rai ča čot kiăo tui jơlan guai. Ƀing khua wai lăng kơjăp mơnuih nao dŏ pơ tơring čar. Anom bruă git gai pơgang klin Covid-19 tơring čar Dak Nông brơi thâo, hrŏm hăng pơtrut pơgang klin, Dak Nông ăt khŏm prăp lui gơnam tam, ia jrao đah mơng dưi pơgang tañ tơdah hơmâo klin Covid-19.

Siu H’Mai: Pơblang