VOV4.Jarai - Tui hăng akŏ bruă, thun 2021, tơring čar Dak Nông tuh pơ alin 172 klai prăk pioh man pơkra, pơkra ming hrĕ apui lơtrik bơwih brơi mơnuih ƀon sang, amăng anun hơmâo 24 ring bruă hơmâo ngă mơng thun hlâo, 35 ring bruă phrâo ngă. Truh rơnuč blan 4, Kông ti apui lơtrik Dak Nông hơmâo brơi rơbêh 14 klai prăk. Kiăng ngă tañ giong, Kông ti git gai hơdôm anom bruă bơdjơ̆ nao lăi pơthâo tañ kơ grup sem lăng pơsit kơčăo bruă; čih pơkra ming, him lăng hlâo tơlơi hơmâo pơkŏn dong ƀơi hơdôm anih ngă ring bruă; laih dong krăp lăng anŏ klă hăng hrơi mông pơkra pơjing. Bruă ngă tui kiăo tui akŏ bruă, tañ ba mă yua apui ƀu kơnong ba glăi anŏ tŭ yua bơwih ƀong đôč ôh mơ̆ djru pơđĭ kyar bơwih ƀong huă, mơnuih mơnam, pơđĭ tui tơlơi hơdip mơnuih ƀon sang Dak Nông.

 Siu H’Mai: Pơblang