VOV4.Jarai - Tơdơi kơ lăng hră lăi pơthâo mơng Jơnum min ruah khua tơring čar Daklak, Khul ruah khua lŏn ia ta hmâo tŭ ư brơi 14 kual plĕ hră ƀơi tơring čar pơphun ruah khua tañ hloh 1 hrơi bơhmu hăng tơlơi pơkă (anun lĕ lơ 22/5) anun lĕ: 7 bôh puih kơđông pơgang guai lŏn ia, Grŭp bơwih ƀong pơgang lŏn ia 737, tiểu đoàn pơhrăm cơ đông mrô 19, Tiểu đoàn 303 gah trung đoàn 584, ƀirô khul ling tơhan tơring glông Ea Sup hăng Đại đội Bộ binh mơng kual plĕ hră mrô 9 să Čư̆ Mlanh, tơring glông Ea Sup, Kông ang tơring glông Ea Sup hăng Ƀirô Kông ang tơring čar.

Jơnum min ruah khua hơdôm gưl hmâo pơtrut kơtang bruă lăi pơhing kơ hrơi ruah khua tañ, ngă giong bruă pơpha, dưm dăp, prăp lui hơdôm anih anom plĕ hră, prăp lui djop tơlơi kjăng kơ gơnam tam djơ̆ hơdră pioh kơ hrơi ruah khua djơ̆ hrơi pơkă hăng djơ̆ Tơlơi phiăn ruah khua. Daklak hmâo 73 km jơlan guai lŏn ia giăm hăng Kur. Kiăng pơhlôm khop kơ bruă ruah khua, khul tơhan pơgang guai lŏn ia, kông ang rơkâo dưi plĕ hră tañ hloh pioh pơgang guai lŏn ia rah hăng pơgang klin Covid-19 rah./.

Siu H’ Prăk: Pô pơblang