VOV4.Jarai - Čơtlăm lơ 9/5 yă H’ Yim Kdoh, Kơ-iăng Khua Jơnum min mơnuih ƀôn sang tơring čar Daklak pơsit, ƀơi tơring čar phrâo čih hmâo dong sa čô mơnuih ƀă kơman Sars-CoV-2, glăk dô̆ čơlah ƀơi kual čơlah đuăi hơbit mơng tơring čar, đĭ dong mrô mơnuih bă kơman klin ƀơi tơring čar jing 2 cô mơnuih. Pô anai lĕ Tr.M.T, tơkeng thun 1998, ƀơi mrô sang 189/1/25 jơlan Mai Hắc Đế, plơi prong Buôn Ma Thuột, jing pô F1 mơng pô ruă 3237 bơdjơ̆ nao anih klin ngă pơ̆ Đà Nẵng.

Ră anai Daklak glăk čơlah đuăi hơbih hăng 904 čô mơnuih dô̆ čơlah ƀơi sang. Bơdjơ̆ nao ƀơi anih klin ngă ƀơi mrô sang 189/1/25, jơlan Mai Hắc Đế, phường Tân Thành, tơring čar Daklak hmâo guang dar kual mơnuih ƀôn sang dô̆, pơphun hyu hơduah ĕp mơnuih bơdjơ̆ nao hmâo 12 F1 hăng hơdôm rơtuh čô F2. Gơnong bruă ia jrao tơring čar Daklak hmâo mă laih ia khak ia adung pơčrang lăng brơi năng ai ñu 180 čô mơnuih. Tơring čar Daklak hmâo pơsit brơi čơđai sang hră gưl muai ƀơi plơi prong pơdơi hrăm hră sa rơwang hrơi tơjuh./.      

Siu H’ Prăk: Pô pơblang