VOV4.Jarai - Khul git gai hơdôm hơdră tui hơnong pơkă dêh čar tơring čar Daklak brơi thâo, rơnoh prăk ngă tui jơlan hơdră tui hơnong pơkă dêh čar amăng man pơdong plơi pla phrâo thun anai him lăng giăm 5.580 klai prăk. Amăng anun, rơnoh prăk mơng ngăn drăp kơnuk kơna lĕ 980 klai prăk; rơnoh prăk jak iâu djru 240 klai prăk, rơnoh prăk pơhrua nao rai mă yua lĕ 1.960 klai prăk dŏ glăi lĕ rơnoh prăk čan.

Mơnuih ƀon sang man pơkra jơlan plơi ƀơi tơring glông Krông Năng, Daklak

Thun 2021, đơ đam tơring čar gir run djă pioh anŏ klă mơng să plơi pla phrâo, jŭ yap hơmâo 71 boh să ngă tui hơnong pơkă plơi pla phrâo. 6 boh să tui hơnong pơkă phrâo; ƀu hơmâo pơpă ôh ngă pơ gŭ 7 hơnong pơkă… Hơmâo thâo, amăng thun 2020 laih rơgao, abih tih rơnoh ngă tui jơlan hơdră dêh čar amăng man pơdong plơi pla phrâo amăng tơring čar Daklak lĕ rơbêh 5.200 klai prăk, hăng hơmâo laih 66 boh să ngă pơgiong hơnong pơkă plơi pla phrâo.

Siu Đoan: Pơblang