VOV4.Jarai - Tom brơi (16/4), Jơnum min djop djuai ania mơnuih mơnam dêh čar Việt Nam tơring čar Daklak pơphun Jơnum bơkơtuai tal 3, lăi pơthâo glăi bôh tơhnal pơphun mă tơlơi gum pơhiăp pơsit hăng đăo gơnang mơng mơnuih ƀôn sang ƀơi anih dô̆, tŭ ư hrom hră čih anăn hơdôm mơnuih djop djơ̆ tơhnal tơbiă anăn kơ Khua pơ ala mơnuih ƀôn sang dêh čar tal 15, hăng tơbiă anăn kơ khua pơ ala Jơnum min pơ ala mơnuih ƀôn sang tơring čar, rơwang bruă 2021-2026.

Hluai tui hơdôm hră pơ-ar pơkă, rơgao bơkơtuai, amăng mông jơnum bơkơtuai tal 3, ƀing khua pơ ala hmâo pơsit tŭ ư čih anăn 11 čô mơnuih sit nik gum hrom tơbiă anăn kơ Khua pơ ala mơnuih ƀôn sang dêh čar tal 15. Jơnum ăt tŭ ư mơn hră čih anăn 125 čô mơnuih djop tơlơi pơkă tơbiă anăn kơ Jơnum min pơ ala mơnuih ƀôn sang tơring čar, rơwang bruă 2021-2026 pơpha kơ 20 bôh anom ruah khua pioh ruah 75 čô khua pơ ala. Tơdơi kơ mông bơkơtuai tal 3, Jơnum min ruah khua tơring čar Daklak amra pơphun hơdôm yak kiăng hơdôm mơnuih tơbiă anăn ngă tui bruă pơsur ruah khua, lăi pơthâo glăi hăng mơnuih ƀôn sang kơ tơlơi pơkă hlâo jơlan hơdră bruă ngă mơng pô./.

Siu H’ Prăk: Pô pơblang