VOV4.Jarai - Ƀơi anăp kơ tơlơi tơnap tap mơng klin Covid-19, gơnong bruă pơtô hrăm tơring čar Daklak hơmâo hră pơtrun ječ kiăng kơ pơgiong tañ tal pơplông rơwang tal II brơi ƀing čơđai amăng thun hrăm anai; pơplih glăi bruă pơtô hrăm kiăng pơgang klin amăng tơring čar. Tui anun, gơnong bruă pơtô hrăm tơring čar Daklak rơkâo khua mua djop sang hră kiăng kơ pơtrut tañ bruă pơphun pơplông rơwang tal II thun hrăm 2020-2021 brơi kơ ƀing čơđai, pơhlôm truh abih lơ 13-5-2021 khŏm pơgiong. Tơdơi kơ pơgiong bruă pơtô hrăm, djop sang hră kiăng kơ ngă klă bruă čom puang brơi ƀing čơđai gưl tlâo laih dong ƀing mơnuih hrăm bruă tui hăng hră pơtrun mơng Ding jum pơtô hrăm; gơgrong pơgiong jơlan hơdră pơtô bruă djơ̆ hăng tơlơi pơkă amăng thun hrăm 2020-2021 hơmâo Jơnum min mơnuih ƀon sang tơring čar  pơtrun hlâo anun.

Siu Đoan: Pơblang