VOV4.Jarai - Tui hăng Jơnum min ruah khua tơring čar Daknông, Khul ruah khua lŏn ia ta hmâo tŭ ư brơi 12 bôh puih kơđông pơgang guai lŏn ia hăng Grŭp pơhrăm tơhan pơgang bruă ruah khua ƀơi 19 bôh anih anom amăng tơring čar Daknông ruah khua tañ hlâo kơ sa hrơi bơhmu hăng tơlơi pơkă.

Truh ră anai, ƀơi hơdôm bôh puih kơđông pơgang guai lŏn ia bruă prăp lui kơ tơlơi ruah khua dưi pok pơhai djơ̆ hrơi pơkă hăng djơ̆ tơlơi phiăn ruah khua. Đại tá Phạm Quý Vỹ, Kơ-iăng Khua apăn bruă Ping gah, Ƀirô git gai ling tơhan pơgang guai lŏn ia tơring čar Daknông brơi thâo, hơdôm hrơi rơgao ƀơi glông guai lŏn ia Việt Nam hăng Kur hmâo lu tơlơi ngă dlêh tơnap gah klin Covid-19. Kiăng pơgang pơhlôm khop kơ bruă ruah khua, khul ling tơhan pơgang guai lŏn ia rơkâo dưi plĕ hră ruah khua hlâo kiăng pơgang guai lŏn ia rah hăng pơgang pơgăn klin ruă Covid-19 rah./.

Siu H’ Prăk: Pô pơblang