VOV4.Jarai - Mơguah lơ 16/4, Jơnum min djop djuai ania mơnuih mơnam dêh čar Việt Nam tơring čar Daknông pơphun Jơnum bơkơtuai tal 3 kiăng ruah, čih anăn hơdôm mơnuih djop tơlơi kiăng tơbiă anăn kơ Khua pơ ala mơnuih ƀôn sang dêh čar ta tal 15 hăng khua pơ ala Jơnum min mơnuih ƀôn sang tơring čar Daknông tal 4, rơwang bruă 2021-2026.

Tơdơi kơ bơkơtuai, abih bang khua pơ ala nao pơhmư̆ hmâo pơsit laih čih anăn hơdôm mơnuih djop tơlơi kiăng tơbiă anăn kơ Khua pơ ala mơnuih ƀôn sang dêh čar ta tal 15 hmâo 10 čô mơnuih (amăng anun Kơnuk kơna lăi pơthâo 2 čô mơnuih, plơi pla lăi pơthâo 8 čô mơnuih) hăng tŭ ư hrom kơ 3 čô mơnuih tơbiă anăn hmâo hră rơkâo tơbiă đuăi mơng hră čih anăn kơ Khua pơ ala mơnuih ƀôn sang dêh čar tal 15. Hrom hăng anun, Jơnum ăt hmâo čih mơn anăn 88 čô mơnuih djop tơhnal pơkă tơbiă anăn kơ Jơnum min pơ ala mơnuih ƀôn sang tơring čar Daknông, rơwang bruă 2021-2026. Amăng anun, mrô khua pơ ala đah kơmơi 28 čô mơnuih, mơnuih djuai ania ƀiă 20 čô mơnuih, khua pơ ala hlăk ai 31 čô mơnuih, gah rơngiao kơ Ping gah hmâo 9 čô mơnuih hăng mrô khua pơ ala tơbiă glăi anăn lĕ 21 čô mơnuih./.

Siu H’ Prăk: Pô pơblang