VOV4.Jarai - Tơdơi kơ ƀuh sa, dua čô mơnuih pơčlah kiăo tui lăng 14 hrơi samơ̆ ăt ƀă glăi virus SARS-Cov2, hăng ngă lar hyu mơnuih pơkŏn; Ding jum rơkâo pơčlah sui hrơi ƀiă dong. Anai lĕ boh tơhnal amăng hră pơtrun ječ phrâo anai mơng Anom bruă ia jrao dêh čar mơ-it hơdôm anom bruă wai pơgang klin hơdôm tơring čar,plơi prong. Tui anun, ngă tui tơlơi git gai mơng kơ-iăng khua dêh čar - Khua anom bruă git gai dêh čar amăng pơgang klin Covid-19, Anom bruă pơgang klin kman (Ding jum ia jrao) rơkâo hơdôm tơring čar, plơi prong jang jai ƀu brơi mơnuih tơbiă đuăi mơng anih pơčlah kiăo tui lăng hăng abih bang mơnuih aka ƀu djơ̆ hăng tơlơi pơkă amăng pơčlah (anun lĕ pơčlah abih 14 hrơi, pơčrang lăng 2 wŏt). Hrơi mông pơphun ngă tui mơng: 12 mông mlăm mơguah hrơi anai (4/5) truh hơmâo tơlơi lăi pơthâo phrâo mơng Khul git gai dêh čar amăng pơgang klin Covid-19.

Siu Đoan: Pơblang