VOV4.Jarai - Mơguah lơ 12/5, Ding jum kông ang pơphun Jơnum lăng nao rai nao rai amăng tivi đơ đam dêh čar kiăng kơ hruă kjăp, jao bruă  hăng pơtrun bruă phlôm rơnuk rơnua amăng hrơi plĕ hră ruah Khua pơ ala mơnuih ƀon sang dêh čar tal XV hăng Khua khul pơ ala mơnuih ƀon sang djop gưl rơwang thun 2021-2026. Nao jơnum hăng đĭ pơhiăp git gai mông jơnum, Khua pơ ala mơnuih ƀon sang dêh čar, khul Khul pơphun plĕ hră dêh čar ta ơi Vương Đình Huệ lăng yôm hơdôm boh than dưi ngă, tơlơi gơgrong, gir run mơng tơhan kông ang kah hăng ƀing tơhan glăk pơphlôm rơnuk rơnua brơi hrơi plĕ hră - hrơi jơnum tum pơƀut kơ abih bang mơnuih, djru kiăng pơphun hiam klă tal plĕ hră anai.

Ơi Vương Đình Huệ đĭ pơhiăp amăng mông Jơnum

Ơi Vương Đình Huệ lăi pơtong kiăng tŏ tui  lăi pơthâo tong ten kơ tơlơi yôm mơng bruă pơhlôm rơnuk rơnua brơi hrơi plĕ hră. Ding jum kông ang tŏ tui gum hrŏm kjăp hăng hơdôm anom bruă bơdjơ̆ nao mơng Khul pơphun plĕ hră dêh čar ta, Ding jum ling tơhan, Ding jum ia jrao, Ping gah tơring čar, Jơnum min mơnuih ƀon sang tơring čar, jơnum min plĕ hră djop gưl lăng glăi tong ten bruă pơhlôm rơnuk rơnua hăng djru brơi klă kiăng pơphun hơđong hrơi plĕ hră ruah khua mua.

Siu Đoan: Pơblang