VOV4.Jarai - Lơ 7/4, ơi Lê Văn Thanh, Kơ-iăng Khua Ding jum wai lăng mơnuih mă bruă tơhan rơka ruă hăng mơnuih mơnam hmâo laih mông mă bruă hăng Jơnum min mơnuih ƀôn sang tơring čar Daknông kơ ngă tui hơdôm hơdră bruă, jơlan hơdră pơhrŏ trun ƀun rin, mơnuih mă bruă, bruă mă mơng thun 2016-2020.

Anih dô̆ mă bruă

Amăng rơwang 2016-2020, bruă pơhrŏ trun ƀun rin mơng tơring čar Daknông hmâo laih hơdôm tơlơi pơplih klă. Daknông hmâo pioh lui laih rơbêh kơ 683 klai prăk kơ Jơlan hơdră pơkă mơng lŏn ia pơhrŏ trun ƀun rin kơjăp, amăng anun ngăn drăp dêh čar ta giăm hmâo 485 klai prăk. Giăm hmâo 7.700 wot bôh sang anô̆ ƀun rin djuai ania ƀiă dưi čan prăk Sang prăk gah hơdră bruă hăng mrô prăk rơbêh kơ 206 klai prăk. Amăng mông mă bruă, ơi Lê Văn Thanh, Kơ-iăng Khua Ding jum wai lăng mơnuih mă bruă tơhan rơka ruă hăng mơnuih mơnam lăi lĕ, Daknông kiăng pơtrut kơtang bruă lăi pơhing, pơđĭ tui tơlơi pơmin hăng pơtrut pơsur mơnuih ƀôn sang đing nao pơhrăm bruă mă, pơđĭ tui bôh thâo tơlơi pơmin hăng pơtrut pơsur mơnuih ƀôn sang pơđĭ kyar bơwih ƀong kiăng tơtlaih mơng ƀun rin, biă ñu amăng kual neh wa djuai ania ƀiă. Tơring čar kiăng đing nao pơhrăm bruă, pơđĭ tui bôh thâo mơng mơnuih mă bruă, djơ̆ hăng tơlơi kiăng gah mrô, anô̆ kơjăp mơng mơnuih tuh pơplai, plai ƀiă mơnuih mă bruă akă hmâo hrăm bruă./.

Siu H’ Prăk: Pô pơblang