VOV4.Jarai - Lơ 31/3, Anom bruă ia jrao tơring glông Ia Grai, tơring čar Gia Lai hơmâo ba pơčlah 1 čô tơdăm đuăi leč mơng anih dŏ pơčlah pơ tơring čar Lạng Sơn glăi pơ plơi pla. Tui hăng tơlơi lăi pơthâo mơng Anom bruă wai lăng tơlơi duam ruă tơring čar Gia Lai, lơ 14/3, pô tơdăm anăn Nguyễn Công Giá (tơkeng thun 2000, dŏ pơ plơi Văn Yên, să Ia Yok, tơring glông Ia Grai) hơmâo dŏ pơčlah pơ Puih kơđông tơhan Chi Lăng, tơring čar Lạng Sơn. Ƀơi anai, ñu hơmâo pơčrang laih drah sa wơ̆t, laih anun huăi ƀuh kman ôh. Truh mơmot lơ 23/3, mah aka ƀu abih hrơi dŏ pơčlah ôh, samơ̆ ayong Giá đuăi leč hĭ mơng anih dŏ pơčlah, tơdơi kơ anun găn rơdêh mơng Lạng Sơn glăi pơ graih rơdêh Mỹ Đình (Hà Nội), dŏ pơ Hà Nội 2 hrơi, giong anun ñu găn rơdêh glăi pơ Gia Lai. Anom bruă ia jrao tơring glông Ia Grai brơi ayong Giá nao dŏ pơčlah laih, laih dong lăi pơthâo kơ Anom wai lăng tơlơi duam ruă Gia Lai pơčrang kman.

Siu H’Mai: Pơblang