VOV4.Jarai - Hrơi blan rơgao, hơdôm boh tơring glông hơmâo guai lŏn ia mơng tơring čar Gia Lai pơtrut kơtang biă bruă pôr pơhing kiăng mơnuih ƀon sang thâo hluh hăng pơtrut đĭ tơlơi dưi, tơlơi kiăng ngă mơng pô amăng mông ruah khua pơ ala mơnuih ƀon sang dêh čar tal 15 hăng khua jơnum min pơ ala mơnuih ƀon sang djŏp gưl rơwang thun 2021-2026. Bơi tơring glông Čư̆ Prong, bruă pôr pơhing ruah khua hơmâo čih hăng 2 tơlơi: Tơlơi Jarai hăng Yuan, pôr pơhing amăng lua ƀơi să. Hăng kual plơi pla mơnuih ƀon sang aset, arăng đĭ rơdêh hyu pôr, nao pơ rim boh sang anŏ. Ƀơi tơring glông Đức Cơ, bruă pôr pơhing hơmâo să ngă hăng lu hơdră phara, să hơmâo akŏ pơdong grup hyu pôr pơhing. Rim wơ̆t hrơi tơjuh, mơnuih amăng grup čih hră pơhing bruă ruah khua, giong anun pôr đĭ amăng lua, djru ană plơi thâo rơđah tơlơi pơkôl pơkă mơng pô hơmâo anăn ba ruah ăt kah hăng hrơi mông pơphun ruah.

Siu H’Mai: Pơblang