VOV4.Jarai-Ƀơi mông jơnum ƀing pơ ala mơnuih ƀôn sang tơring čar Gia Lai tal XI phrâo anai hơmâo pơsit rơnoh prăk 20 klai pioh tuh pơ alin pơkra jơlan, sang bruă anih anom nam gru đưm Tây Sơn Thượng Đạo ƀơi plơi prong An Khê.

Tui hăng anun, tơhnal pơkă kơ bruă tuh pơ alin lĕ ming pơkra glăi, djă pioh hơdôm rơnoh yom nam gru đưm-gru grua hiam, ƀu lui nam gru đưm răm hĭ, arăng kơsing mă lŏn ngă sang ča čot, man pơdong anih anom čuă ngui, djă pioh gru đưm dêh čar; gru grua hiam mơ̆ng djop djuai ƀiă amăng kual; laih dơ̆ng rŭ glăi anih pioh tuai hyu ĕp lăng, bơwih brơi kơ tuai hyu ngui pơdơi pơdă čuă anih anom gru grua dêh čar.

 Rơnoh prăk tuh pơ alin pơkra jơlan nao rai, anih djă pioh gru đưm hăng đing ia djah. Ring bruă anai, khom ngă giong amăng thun 2021 anai mơtam.

Nay Jek: Pơblang