VOV4.Jarai - Amăng  3 blan thun 2021, tơhan wai lăng jơlan glông tơring čar Gialai hơmâo ĕp ƀuh, phak hơdôm pluh khul grup, mơnuih ngă soh tơlơi phiăn lơ̆m đuăi rơdêh amăng jơlan glông, tơhan wai lăng jơlan glông tơring čar Gialai hơmâo pơphun pel ĕp 160 wŏt, phak prăk 22 grup, 40 čô mơnuih hăng mrô prăk lĕ 209 klăk prăk, mă pơhrui hră mơgăt rơdêh jang jai kơ 9 čô mơnuih, mă glăi 13 hră pơsit pơdŭ pơgiăng, khŏm ruh hĭ 38,6 tơ̆n gơnam.

Amăng 3 blan akŏ thun 2021 tơhan hơduah ĕp amăng jơlan glông Gialai phak rơbêh 300 klăk prăk yua kơ ngă soh lơ̆m đuăi rơdêh amăng jơlan

Hơdôm tơlơi ngă soh lu hloh lĕ pơgiăng lu đơi, pơgiăng gơnam glông pơhmu hăng tơlơi pơkă, pơgiăng gơnam hrua nao pơ anăp, ƀu hơmâo hră pơsit, đuăi rơdêh nao jơlan kŏm…Kơ bruă pơgiăng tuai, hơmâo 20/46 rơdêh pel ĕp ngă soh, phak prăk giăm 100 klăk prăk. Biă mă ñu, amăng bơyan Tết Tân Sửu, tơhan hơduah ĕp jơlan glông hơmâo tŭ mă hăng pơsir hĭ 121 tơlơi ngă soh hơmâo arăng lăi pơthâo, brơi glăi vĕ lơ̆m tuai ƀu dưi đĭ rơdêh găn nao rai yua klin Covid-19.

Siu Đoan: Pơblang