VOV4.Jarai - Pơ-iă hang sui hrơi ngă laih hơdôm pluh rơbâo ektar dlai klô ƀơi tơring čar Gialai dŏng gah anăp huĭ rơhyư̆t prong. Kiăng gơgrong hlâo amăng bruă pơgang pơgăn apui ƀong dlai, tơring čar hmâo pơdŏng laih kơčăo bruă, hrom hăng anun pok pơhai ha amăng plĕ lu jơlan gah pơsir kiăng gơgrong hlâo bŏng glăi hăng tơlơi amra truh.

Neh wa plơi Đôč 1 rơmet agaih rok krô pơgang apui ƀong dlai

Grŭp wai lăng pơgang dlai klô pơhlôm hlâo Ia Ly glăk wai lăng rơbêh kơ 12.500 ektar dlai. Dong mơng phun bơyan phang mơtăm, anom bruă hmâo pơpha mơnuih apăn bruă, mơnuih mă bruă hyu tir, lăng tui kơjăp, gơgrong hlâo bruă pơgang, hrom hăng anun pơdŏng hơdôm grŭp, khul pơgang apui ƀong dlai hăng khul mơnuih hmâo hơdôm rơtuh čô. Anom ăt pok pơhai mơn hơdôm bruă kah hăng čuh rok khô jum dar, pơjing glông pơgang apui hăng hơdôm kual dlai amra hmâo apui ƀong./.

Siu H’ Prăk: Pô pơblang