VOV4.Jarai - Amăng tal pơdơi lơphet lơ 30/4 hăng lơ 1/5 phrâo rơgao, hơdôm gơnong bruă, plơi pla amăng tơring čar Gialai ngă tui tơlơi pơkă kơ bruă ƀu pơphun hơdôm bruă ngui ngor, hơdôm bruă tum pơƀut lu mơnuih, ngă tui hơdôm tơlơi pơkă kơ pơgang pơgăn klin Covid-19. Abih bang wot mrô tuai hyu čuă ngui ƀơi tơring čar amăng tal pơdơi lơphet hmâo 23.370 wot, đĭ 2,9 wot bơhmu hăng thun 2020; abih bang prăk pơhrui glăi him lăng hmâo 4 klai 500 klăk prăk, đĭ 4 wot bơhmu hăng thun 2020. Bruă bơwih ƀong ƀơi hơdôm bôh sang jưh tuai 1-4 bôh pơtŭ, kual pơdơi pơdă anih dô̆ jưh hmâo 90-100%. Tuai nao pơ̆ tơring čar biă ñu lĕ mơng ƀôn prong Hồ Chí Minh, Hà Nội, Đà Nẵng, Bình Định, Đak Lak, Bình Dương. Abih bang mrô tuai dô̆ glăi hmâo năng ai ñu 4.000 wot čô, đĭ 2,9 wot bơhmu hăng thun 2020. Hơdôm sang bruă wai lăng tuai čuă ngui ba năng ai ñu 140 wot čô tuai hyu čuă ngui./.  

Siu H’ Prăk: Pô pơblang