Tui hăng Jơnum min mơnuih ƀôn sang tơring čar Gia Lai, hrơi pơphun hơmâo pơdah kiăo tlôn amăng tivi, pơtruh hăng gong phun pôr pơhiăp - pơdah rup amăng đơ đam dêh čar. Tơlơi lăp hơdor lĕ anih adoh suang hơmâo pơhrup hiam, kơdrưh biă mă, hăng 4 črăn, pơƀuh glăi thun blan đĭ kyar mơ̆ng Dap Kơdư truh pơ kual ia rơsĭ. Hăng tơlơi ră ruai kơtuai akhan mut hrŏm hăng yŭ goong brô̆, tơlơi ayun suang hăng anŏ hiam ƀlip ƀlăp apui jă, jơlan hơdră anai pơƀuh rơđah gru grua - gru phun hmư̆ hing hloh mơ̆ng kual lŏn anai. Anih ngui ngor atông čing ring hơgor Dap Kơdư mut hrŏm hăng bơngăt jua čư̆ siăng kriang pơtâo, anŏ kơdrưh mơ̆ng Tây Sơn hơmâo pơƀuh glăi, pơpŭ kơ gru grua sông kơtang mơ̆ng lŏn “rơgơi hrăm taih”.

Tui hăng Jơnum min mơnuih ƀôn sang tơring čar Gia Lai, tơlơi ngui adoh suang anai ƀu djơ̆ bruă ngă đôč đač ôh, ăt jing bruă pơtruh jua goong brô̆ adoh suang - čơkă tuai hyu ngui - gru grua, djru pơƀuh rup hiam mơ̆ng lŏn tơnah, ană mơnuih Gia Lai hăng kual ter hang ia rơsĭ Tong Krah - Dap Kơdư.