Găn rơgao lu gưl čom puang ruah mă, Khul pơphun tơlơi pơplông hơmâo apah pri 4 tơlơi bơni pơsur pran jua hăng 1 pri mrô Sa. Pri mrô Sa jao kơ pô pơčeh phrâo Hoàng Thị Thu Thảo, mơ̆ng ƀôn prong Đà Nẵng.

Logo anai dưi ngă rup tui boh pơhiăp pia rơnuk anai, hiam, rơguăt, mă rup sang gru đưm Êđê ngă anŏ phun, pơčrâo gru grua hiam kual Dap Kơdư, lir hơbit hăng tơlơi hơdip mơda, dŏ dong ƀong huă mơ̆ng mơnuih ƀôn sang, pran jua tơlơi gum pơgôp hăng gru grua hiam djop djuai ania dŏ hrŏm hơbit sui thun ƀơi kual lŏn Dak Lak. Tơlơi pơčeh phrâo dưi ruah pioh apah bơni tal anai ngă Logo sit nik, jing gru kơnăl rup tơring čar Dak Lak phrâo. Ƀơi mông jơnum, khua mua tơring čar Dak Lak hơmâo  ngă yang kơkuh ơi tui tơlơi phiăn pôr pơthâo Logo sit nik kơ tơring čar. Gru kơnăl anai sa tơlơi čang rơmang djru pôr pơthâo rup rap, anăn păn, gru grua hiam hăng tơlơi kiăng pơđĭ kyar tơring čar kơñ pơgi.