Rơwang hrơi tơjuh buh ao dai pơphun mơ̆ng lơ 1/3 truh abih lơ 8/3 pơ anăp. Amăng hrơi blan anai, djop gưl anom bruă đah kơmơi mut phung jak iâu ƀing khua mua, ding kơna khul đah kơmơi, ƀing đah kơmơi apăn bruă čar, mơnuih mă bruă apah, čơđai sang hră djop gưl buh ao dai soh amăng hrơi mă bruă hăng lu mông jơnum mơak djơ̆ găl; pơsur brơi ruah mă ao dai gru grua djuai ania pô, ao dai ngă tui hơbô̆ phrâo samơ̆ hiam klă, rô̆ hăng drơi jăn lăng kơhnâo rơgơi. Kơtưn pơtô lăi, pôr pơthâo rơnoh yom, anŏ tŭ yua amăng ao dai; pơphun čơphil rup, kuai video, pơdưm amăng facebook tơlơi pơhing mơnuih mơnam kiăng pơthâo anŏ hiam gru grua đah kơmơi tơring čar Dak Lak.