Dak Lak djru 2 boh plơi pơđĭ kyar bơwih brơi tuai čuă ngui
Thứ năm, 07:00, 06/04/2023
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai- Amăng thun anai, tơring čar Dak Lak hơmâo 2 boh plơi hơmâo djru pơđĭ kyar bơwih brơi tuai čuă ngui hăng abih tih 1 klai prăk brơi rĭm boh plơi.
Anai lĕ plơi Kuốp, să Dray Sáp, tơring glông Krông Ana hăng plơi Trí, săng Krông Na, tơring glông Buôn Đôn. Amăng plơi Kuốp hơmâo giăm 70% mơnuih djuai ania Êđê hăng M’nông dŏ hơdip hrŏm. Plơi pla ră anai dŏ djă pioh 50 boh sang glông djuai ania sô hơđăp, hơmâo lu tơlơi ngă yang rơbang, bruă mơñam rêu rô, abăn ao, bruă pơkra pơjing gông brô̆ hăng lu añăm ƀong mơng djuai ania pô.
Hrŏm hăng anun dŏ 2 anih djă pioh gru grua gưl dêh čar lĕ Drai Sap hlao hăng Drai Nu glăk pok čơkă tuai. Amăng plơi Trí hơmâo 11 djuai ania dŏ hơdip hrŏm. Amăng plơi pla ră anai dŏ djă pioh 117 boh sang glông djuai ania sô hơđăp, sang drông hăng lu anih čuă ngui jum dar, pơjing rai kual čuă ngui, hơmâo lu anih kiăng kơ tuai čuă ngui ƀơi Buôn Đôn.
Viết bình luận