Dak Lak jao pri tal pơplông rup hiam jơnum ngui bruă kơphê
Thứ hai, 11:35, 03/04/2023
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Khul wai lăng čih pơčeh hơ̆k hơr adoh suang tơring čar Dak Lak jơnum jao pri apah bơni pơplông rup hiam amăng mông jơnum ngui bruă kơphê Ƀuôn Ma Thuôt tal 8, thun 2023 hăng prưng pơdă rup hiam hloh.
Dưi thâo amăng hơdôm hrơi jơnum ngui bruă kơphê Ƀuôn Ma Thuôt tal 8, thun 2023 phrâo anai, kơnong tơdơi kơ 7 hrơi, tal pơplông hơmâo 65 čô mơnuih čơphil rup, kač rup rơgơi ƀơi Dak Lak, Dak Nông, Gia Lai, Đà Nẵng hăng ƀôn prong Hồ Chí Minh ngă hrom lăi pơthâo 600 pok rup hlai hăng hơdrôm hră lu rup. Rup čơphil hăng măi phun ƀudah hăng măi telephôn rơgơi, hơmâo čơphil pioh bruă ngă hiam, hmar, hling hlang phrâo amăng mông ngui ngor.
Khul čom puang ruah mă 47 pok rup pioh ba pơdă hăng 20 pok rup hiam, djơ̆ hloh pioh apah bơni hơmâo 1 pri A, 1 pri B, 2 pri C hăng 16 pri pơsur pran jua. Tơdơi kơ tal jao pri rup hiam hloh amra ba pơdă ƀơi anih pơdă rup jơlan hơdrôm hră kơphê Ƀuôn Ma Thuôt mơ̆ng ră anai truh abih lơ 22/4 pơ anăp.
Viết bình luận