Ƀơi mông ngă bruă, 2 anom bruă gum pơčrông, lăi pơthâo tơlơi rơgơi, anŏ lăp djơ̆ amăng bruă đĭ kyar hyu ngui, bơdjơ̆ nao bruă čuă ngui amăng plơi pla, kah pơpha tơlơi hơmâo dưm kơnar, rơđah rơđông; hơdră djru kơ mơnuih ƀôn sang gum ngă bruă tuai čuă ngui; ăt kah hăng hơdră wai lăng, git gai bruă tuai hyu ngui amăng hrơi mông glăk pơtrut pơplih anom bruă kơnuk kơna hăng mut hrŏm jar kmar.

Tui hăng ơi Lê Phúc Long, Kơ-iăng khua gơnong bruă gru grua bơrơguăt drơi jăn hăng tuai čuă ngui tơring čar Dak Lăk, amăng hrơi mông mă bruă, grup ăt sem lăng lu bruă čơkă tuai hyu ngui pơkŏn pơ kual Kơdư. Mơ̆ng anun, ĕp jơlan pơplih phrâo bruă wai lăng, ƀơ ƀrư̆ ngă giong jơlan đĭ kyar tuai hyu ngui amăng plơi pla./.